AlphaOmega

Internet-Initiative katholischer Priester und Laien im deutschsprachigen Raum

"Ich bin das Alpha und das Omega,
der Erste und der Letzte,
der Anfang und das Ende" (Apk 22,13).

L: Salutem ex inimicis nostris, / et de manu omnium qui oderunt nos:
R: Ad faciendam misericordiam cum patribus nostris: / et memorari testamenti sui sancti.
L: Jusjurandum, quod juravit ad Abraham, patrem nostrum, / daturum se nobis:
R: Ut sine timore, de manu inimicorum nostrorum liberati, / serviamus illi.
L: In sanctitate, et justitia coram ipso, / omnibus diebus nostris.
R: Et tu, puer, / Propheta Altissimi vocaberis:
L: Praeibis enim ante faciem Domini / parare vias ejus:
R: Ad dandam scientiam salutis plebi ejus; / in remissionem peccatorum eorum:
L: Per viscera misericordiae Dei nostri, / in quibus visitavit nos, oriens ex
alto:
R: Illuminare his, qui in tenebris et in umbra mortis sedent, / ad dirigendos pedes nostros in viam pacis.
L: Gloria Patri et Filio / et Spiritui Sancto,
R: Sicut erat in principio, et nunc et semper, et in saecula saeculorum, Amen.

A: In viam pacis et prosperitatis dirigat nos omnipotens et misericors Dominus,
et Angelus Raphael comitetur nobiscum in via; ut cum pace, salute et gaudio
revertamur ad propria.

P: Kyrie, eleison.
A: Christe, eleison.
P: Kyrie, eleison.

Pater noster (secreto)
Et ne nos inducas in tentationem.

A: Sed libera nos a malo.
V: Salvos fac servos tuos
A: Deus meus, sperantes in te.
V: Mitte nobis, Domine, auxilium de Sancto.
A: Et de Sion tuere nos.
V: Esto nobis, Domine, turris fortitudinis,
A: A facie inimici.

V: Nihil proficiat inimicus in nobis.
A: Et filius iniquitatis non apponat nocere nobis.
V: Benedictus Dominus die cotidie.
A: Prosperum iter faciat nobis Deus salutarium nostrorum.
V: Vias tuas, Domine, demonstra nobis.
A: Et semitas tuas edoce nos.
V: Utinam dirigantur viae nostrae.
A: Ad custodiendas justificationes tuas.
V: Erunt prava in directa.
A: Et aspera in vias planas.
V: Angelis suis Deus mandavit de te,
A: Ut custodiant te in omnibus viis tuis.
V: Domine, exaudi orationem meam.
A: Et clamor meus ad te veniat.

(P: Dominus vobiscum.
A: Et cum spiritu tuo.)

P: Oremus:

Deus, qui filios Israel per maris medium sicco vestigio ire fecisti, quique tribus Magis iter ad te stella duce pandisti: tribue nobis, quaesumus, iter prosperum tempusque tranquillum; ut, Angelo tuo sancto comite, ad eum qup pergimus locum, demum ad aeternae salutis portum pervenire feliciter valeamus.

Deus, qui Abraham puerum tuum, de Ur Chaldaeorum eductum, per omnes suae peregrinationis vias illaesum custodisti; quaesumus, ut nos famulos tuos custodire digneris: esto nobis, Domine, in procinctu suffragium, in via solacium, in aestu umbraculum, in pluvia et frigore tegumentum, in lassitudine vehiculum, in adversitate praesidium, in lubrico baculus, in naufragio portus; ut, te duce, quo tendimus, prospere perceniamus, et demum incolumes ad propria redeamus.

Adesto, quaesumus, Domine, supplicationibus nostris: et viam famulorum tuorum in salutis tuae prosperitate dispone; ut inter omnes viae et vitae huius varietates tuo semper protegamur auxilio.

Praesta, quaesumus, omnipotens Deus: ut familia tua per viam salutis incedat; et, beati Joannis Praecursoris hortamenta sectando, ad eum, quem praedixit, secura perviat, Dominum nostrum Jesum Christum, Filium tuum: Qui tecum vivit et regnat in unitate Spiritus Sancti, Deus per omnia saecula saeculorum.

A: Amen.

V: Procedamus in pace!

A: In nomine Domini. Amen.